Enter our CHATROOM
for questions/comments

by: Veritas846 Newsteam            March 17, 2010

Speakership hangad pa rin ni PGMA, ayon sa Arsobispo

 Naniniwala si  Lingayen-Dagupan  Archbishop Emeritus  Oscar Cruz na malakas pa rin ang ambisyon ng Pangulong Gloria Arroyo na manatili sa kapangyarihan pagkatapos ng kanyang termino bilang Pangulo ay nais na maging House Speaker.
 
Ayon sa Arsobispo, kabilang sa plano ng pangulong Arroyo na makaupo sa mababang kapulungan ang kanyang mga kaalyado at makalusot din ang mga partylist na sinasabing hawak ng gobyerno.
 
Una nang hiniling ng election watchdog na “Kontra Daya” sa Comelec na idiskuwalipika ang BIDA, AGBIAG, ADAM, LYPAD, BABAE KA at KALAHI party lists.
 
‘Pagkat talagang gusto ng administrasyon na dumami ang kanyang kasapi sa lower house para makuha ang speakership. No doubt about that, that is given. Pagkatapos nyan, tutungo yan sa Cha-Cha’, ayon kay Archbishop Cruz.  
 

[ Veritas Exclusive Interview ]
[ Archive Interview]

 March 17, 2010

San Patricio

 Itinuturing siyang  Apostol at Patron ng  Ireland.

 Isinilang siya sa  Kilpatrick, Scotland sa  pagitan ng mga taong tatlong daan at walumpu’t isa at tatlong daan at siyamnapu.

Anak siya nina Calpurnio at Conchessa na mga Romanong  naglilingkod sa kolonya ng Britanya.

Labing-apat na taong gulang noon si San Patricio nang mabihag siya ng mga pirata at dalhin sa Ireland. Naging alipin siya na tagapag-alaga ng tupa.

Sa kabila ng naranasang hirap sa mga paganong dumukot sa kanya, nanatiling matapat si San Patricio sa Panginoon.

Makalipas ang anim na taon, tumakas si San Patricio at sinunod ang pangitain ng Panginoon sa kanyang panaginip na magtungo muli ng Britanya.

Doon, pumasok siya sa .... Read More

Listen

by: Fr. Anton CT Pascual             March 17, 2010

Isang Solusyon sa Kahirapan

Maliit ang kita kung swelduhan lamang sa isang hacienda ang isang magsasaka. Sila ay tila rin nagiging mga habambuhay na alipin ng mga nagmamay-ari ng lupa. Dahil nga sa lalawigan sila nakatira, at pagsasaka lamang ang tanging kabuhayan, nakatali sila sa mga mayayaman. Tila wala ng pag-asa maka-alpas pa sa kahirapan. Wala silang pamimilian.
 
Malaking pinsala pa ang El Niño sa kabuhayan ng mga magsasaka sa bansa ngayon. Liliit lalo ang kita nila, gayong P171.79 na lamang kada isang araw ang kanilang average income. Kung mamalasin pa, marami ang pwedeng mawalan ng trabaho sa mga sakahan dahil sa tagtuyot.
 
Hindi natin masisi kung bakit marami na sa mga taga-nayon ang lumipat na lamang sa mga siyudad. Nakipagsapalaran na lamang sila para lamang tumaas ang kita. Ang nangyari, sa halip na maging mas maayos ang buhay, marami sa kanila ang lalong naghirap at napabilang na sa hanay ng urban poor.
 
Dahil na rin sa kapabayaan ng bansa sa agricultural sector, nadagdagan pa natin ang problema.

Listen